'तिमी' हिजो किन भेटिएनौ ?

आतङ्कित छु आज

तिमीलाई फेरि भेटेपछि

र थोरै खुशी पनि

तर

तिमी ढुक्क हुनू

मेरो वर्तमान मेरो अतीत हैन

थोरै डराएँ होला

भग्नावशेष विगतका सम्झनाले

दुख्यो होला

अभावग्रस्त बाल्यकालको यादले

र पनि मैले

तिमीले जस्तै हाँस्न सिकेको छु

तिमीलाई जस्तै

न्यानो छहारीमा बस्ने असीम चाह

मभित्र पनि उत्तिकै छन्

त्यसैले होला

निरुत्तर तिम्रा ती ओठहरु

चुपचाप आफ्नै मनसँग